Gilas andam bisan wala si Blatche

CEBU, Philippines - Andam gihapon nga moduwa ang Gilas Pilipinas bisan og wala  ang ilang naturalized center nga si Andray Blatche sa FIBA Asia Cup sunod buwan didto sa Lebanon.

Si Gilas team manager Butch Antonio nagkanayon nga salig siya sa koponan nga modaog bisan og dili moduwa ang ex-NBA cager nga si Blatche nga hangtod karon wala pa miapil og ensayo.

Ang Gilas nagsugod na sa ilang team practice pangandam sa ilang pagsalmot sa William Jones Cup sunod semana didto sa Taiwan.

Nagkanayon si Antonio nga mitaas ilang kompiyansa nga wala si Blatche tungod sa presensiya sa 6-foot-8 forward nga si Christian Standhardinger nga mipakita og maayong labok  sa Gilas practice.

Hinuon, giklaro ni Antonio nga bukas ilang komunikasyon sa kampo ni  Blatche   ug  andam sila    nga mopaduwa sa Amerikanong basketbolista. (BANAT NEWS)