Chipsiror, Abella daog sa Hunat Sugbu 7

CEBU, Philippines – Ang Kenyan nga si Erich Chipsiror ug Lizane Abella mao ang midominar sa tagsa-tagsa nila ka dibisyon sa Hunat Sugbu 7: Dagan Para Ni Manang kagahapon sa buntag didto sa Terraces sa Ayala Center Cebu.

Si Chipsiror maoy hari sa 21K premier division human milabang sa finish line sud sa usa ka oras ug syete minutos, gisundan ni Prince Joey Lee (1:14:00) ug Argie Tillor (1:21:00).

Si Abella reyna sa 21K sa iyang oras nga 1:30:00. Nagsunod kaniya sila si April May Flynn (1:40:00) ug Reah Garrucho (1:41:00).

Laing Kenyan nga si Josep Mururi (41:24) maoy midominar sa 12K men’s, samtang si Cherry Andrin ang midaog sa pikas bahin sa oras nga 55:28.

Si James Mebei (21:13) ug Karen Manayon (26:16) maoy naglawig sa 6K, samtang sila si Harold Kim Guiao (10:34) ug Jeneda Arcuino (13:08) maoy midaog sa 3K. (LPM) (BANAT NEWS)