CELBA practice game nagsugod na
CEBU, Philippines - Gipahibalo ni CELBA interim president P/Insp. Armil ‘Dondon’ Coloscos nga nagsugod na ang practice game sa mga koponan nga sakop sa Cebu Legends Basketball Association.
Adto gihapon kini paduwaon sa Canduman Housing gym sa dakbayan sa Mandaue matag Miyerkules ug Sabado gikan sa alas-6 sa gabii hangtod sa alas-10 sa gabii.
Pangandam kini alang sa sunod nila nga conference nga gikatakdang buksan sa ikaduhang semana sa bulan sa Hulyo.
Giawhag ni P/Insp. Coloscos ang tanang miyembro sa pagsalmot sa practice session kay gawas nga makapasingot, mohait sab ang ilang abilidad.
Matud pa usab ni P/Insp. Coloscos nga andam sab sila nga modawat og bag-ong mga miyembro, apan kinahanglan magpangedaron kini og 40-anyos pataas.
Niadtong interesado nga magpamiyembro sa CELBA, mahimong motawag/text ni P/Insp. Coloscos sa 09420312607.
Mahimo sab nga motunga sa practice game sa Miyerkules ug Sabado sa gabii. (BANAT NEWS)
- Latest