Punishers batok Subzero Idols sa finals
CEBU, Philippines - Ang Punishers ug Subzero Idols mitagak sa tagsa-tagsa nila ka mga kontra aron pagpuwersa og dumot nga rematch alang sa kampiyonato sa 2016 Integrated Bar of the Philippines (IBP)-Cebu Basketball League didto sa Capitol Parish gym sa may dalan Escario, dakbayan sa Sugbo.
Si Resti Arnaiz mitali og 14 puntos sa dihang gipalagpot sa Punishers ang Badboys, 71-60, samtang si Fermin Pepito mikadlit og 16 puntos ug si Jeremie Nuñez mihimo’g double-double pinaagi sa iyang 10 puntos ug 10 sab ka assists sa dihang gipabakasyon sa Subzero Idols ang Dzntrz, 74-62. Si Jessie Capoy daku sab og natampo sa Subzero Idols uban ang 13 puntos.
Samtang balanse ang opensa sa Subzero Idols, daw sa napiangan ang Dzntrz kay wala ang duha nila ka star players nga sila si Kenneth Kernn Sesante ug Wilkins Requina nga parehong tua karon sa gawas sa nasud.
Sa habig sa Punishers, nakapahimus sab sila sa maayong duwa nilang Van Ligutan, Benjo Santiago ug Tope Ang nga nagkumboya og 33 puntos.
Ilang sangkaon ang Subzero Idols sa tinaktakay nga final karong Oktubre 1 sa alas-5 sa hapon.
Puntos matag usa
Unang duwa:
Punishers (70) – Arnaiz - 14, Ligutan 12, B. Santiago 11, Ang 10, Remedio 6, Hupp 5, Sibay 5, Apolinario 4, Prieto 3.
Badboys (61) – Busi 19, R. Bauzon 18, Dumon 5, Del Prado 4, Bragat 4, Esmeralda 3, E. Bauzon 3, Riveral 2, Narido 1, Geotina 1, Yap 1.
Ikaduhang duwa:
Subzero Idols (74) – F. Pepito 16, Capoy 13, Nuñez 10, Marquez 10, Manubag 6, Miralles 5, Macion 3, Ibanez 3, Malig-on 2, Enad 2, W. Santiago 2, Pepito 2.
Dzntrz (62) – Sojor 21, Ortiz 8, I. Gamallo 7, Gabales 5, Sususco 5, Sarno 3, M. Sarno 3, Tumaodos 2, Fajardo 2, Rosal 2, Garcia 2, Puspus 2. (BANAT NEWS)
- Latest
