Perlas Pilipinas mibawossa Indonesia sa SEABA
CEBU, Philippines - Mibawos ang Perlas Pilipinas sa dominanteng paagi sa ilang karibal nga Indonesia, 72-56 sa duwa nila sa SEABA Women’s Championship sa miaging gabii didto sa Malaysia.
Kahinumduman, ang Perlas nahiagum og sakit nga kapildihan sa mga kamot sa mga Indonesians atol sa miaging Southeast Asian Games, apan lahi ang nahitabo sa labing uwahi nilang sangka diin gipakita sa mga Pinay ang ilang kabangis ilabi na sa rebounding. Milangkat sila og 56 ka rebounds, samtang ang Indonesia aduna la’y 37 ka rebounds. Dili hinuon sama sa ilang unang gipanglubong, misukol ang mga Indonesians, apan wala sila kasikit sa mga Pinay nga milabaw, 68-53 sa katapusang 4:11 sa duwa.
Si Allana Lim mirehistro og 24 puntos ug milangkat og siyam ka rebounds, samtang si Cindy Resultay mitampo og 15 puntos alang sa Pilipinas nga adunay 4-0 win-loss record paingon sa championship match batok sa host team Malaysia. (BANAT NEWS)
- Latest