San Miguel sud na’s semifinals

CEBU, Philippines - Gilisud-lisod man tuod  sila sa NLEX Road Warriors, apan ang defending champion San Miguel Beermen nakahimo gihapon pag-iskor og daog,  114-110  ug maoy labing unang koponan nga miabante sa semis sa PBA Governors’ Cup kagabii didto sa Smart Araneta Coliseum.

Ang Beermen magpaabot na lang sa modaog tali sa Barangay Ginebra ug Alaska Aces nga maoy ilang sangkaon sa usa ka ‘best-of-five’ semifinals.

Sikit ang duwa diin milabaw lang og kuwatro puntos ang Beermen sa first half, 86-82. Nalupig pa sila sa diskarte sa  Road Warriors  pagsugod sa final period diin dos puntos na lang ang ilang labaw, 93-91 human sa mga tira nila ni Jonas Villanueva ug import Henry Walker.

Hinuon, nainat kini   dihang mibuto ang opensa ni Marcio Lassiter ug Elijah Millsap alang sa 112-105 nga labaw sa nahabiling 22 segundos sa duwa.

Si Millsap mirehistro og 39 puntos, samtang sila si June Mar Fajardo ug Lassiter miiskor og 17 ug 14 puntos matag usa. (BANAT NEWS)