Folayang nakakuha’g katungod moaway og world title
CEBU, Philippines - Nakakuha og katungod si Filipino mixed martial arts fighter Eduard Folayang nga moaway alang sa ONE lightweight world title nga gihuptan ni Japanese grappler Shinya Aoki.
Ang Pinoy MMA star makigharong ni Aoki sa main event sa ONE Championship sa Nobiyembre 11 didto sa Singapore Indoor Stadium.
Si Folayang nahimong world title challenger human sa duha ka sunod-sunod niyang kadaugan batok sa mga elite fighters nga sila si Japanese Tetsuya Tamada ug Adrian Pang sa Australia.
“All the hard work I have put into training has finally started to pay off and I am challenging the great champion Aoki,” matud pa ni Folayang sa The Philippine STAR, ang igsuong mantalaan sa Banat News.
“I will fight for the honor of my country and the people of the Philippines who will be in my corner on fight night.”
Si Folayang usa ka striker hinungdan nga interesante iyang sangka batok ni Aoki, usa ka blackbelter sa jiujitsu. (BANAT NEWS)
- Latest
