San Miguel mangita’g bag-ong import
CEBU, Philippines - Gikompirmar ni San Miguel Beermen coach Leo Austria nga mangita sila karon og bag-ong import puli ni AZ Reid alang sa nagpadayon nilang kampanya sa PBA Governors’ Cup.
Ang beteranong si Reid dili na makaduwa sa San Miguel tungod sa injury ug nagkara-kara sila karon og pangita og ihulip niini.
Ang kanhi “Best Import” nga si Reid wala kaduwa sa San Miguel batok sa Alaska Aces sa miaging gabii tungod sa injury niini sa Achilles heel.
Si Austria naglaum nga makakita dayon sila og import aron dili masilotan sa PBA. Ang liga mopahamtang og silot sa usa ka koponan kun moduwa nga walay import sud sa duha ka sunod-sunod nga higayon.
Si Reid nga usa sa mga yawi sa ilang kampiyonato sa miaging tuig sa Governors’ Cup nag-average og dul-an sa 30 puntos matag duwa uban sa Beermen. (BANAT NEWS)
- Latest
