Top 5 spots tuyo sa SMB, Meralco

CEBU, Philippines - Krusyal  nga  daog  maoy gilaraw sa defending champion San Miguel Beermen ug Meralco Bolts  aron masulod  sa top five sa standing sa PBA Governors’ Cup.

Ang San Miguel makigsangka sa karibal nga Alaska Aces sa alas-7 sa gabii human sa  duwa tali sa Meralco ug NLEX Road Warriors sa alas-4:15 sa hapon didto sa Araneta Coliseum.

Ang wa’y pildeng TNT KaTropa (6-0) una nang misulod sa playoffs, nagsunod ang Mahindra Enforcer ug ang Barangay Ginebra nga nagsawo sa ikaduhang dapit sa ilang 5-2 nga baraha.

Tungod niini, ang San Miguel (4-2) ug Meralco (4-3) seguradong mopakita sa tanan nilang abilidad  aron dili sila sayong  matagak sa elimination niini nga conference. (BANAT NEWS)