Mahindra miratsada
CEBU, Philippines - Midaku ang kahigayonan sa Mahindra Enforcer nga makuha ang una nilang playoff appearance sa PBA human nila gilubong ang Blackwater Elite, 97-88 sa Governors’ Cup kagabii didto sa Smart Araneta Coliseum.
Human sa duha ka sunod-sunod nga pilde, ang Enforcer nagmangtas sa ilang duwa batok sa Elite diin mirehistro dayon sila og 46-36 nga labaw sa second period human mapasud ni playing coach Manny Pacquiao ang labing una niyang 3-point shot sa PBA.
Sila si Nico Elorde, Keith Agovida ug Aldrech Ramos mibanat sab sa ikatulong kuwarter aron mainat ang labaw ngadto sa 12 puntos, 82-64.
Misamot kabiya ang Blackwater dihang miarangkada ang Mahindra sa fourth quarter sa giya ni KG Canaleta ug sa import nilang si James White diin miposte sila sa ilang kinadak-ang labaw sa iskor nga 91-77 sa katapusang 4:22 sa duwa.
Ang Enforcer aduna na karo’y 5-2 win-loss record, samtang ang Blackwater misamot ka lubog nga makasud sa playoffs tungod sa ilang 1-6 nga baraha. (BANAT NEWS)
- Latest