New Millennium Hardware daog na sab
CEBU, Philippines - Nagkumbinar og 50 puntos silang Canjo Echavez ug Lloyd Chavez alang sa New Millennium Hardware nga milubong sa team Villalon, 98-83 aron mokulit sa ikatulo nilang daog sa LABA President’s Cup 2016 First Conference sa miaging gabii didto sa Barangay Banilad gym, dakbayan sa Mandaue.
Si Echavez mihakot og 30 puntos, samtang si Chavez miabuno’g 20 puntos nga maoy bida sa New Millennium Hardware nga nagbitbit na karon og 3-2 nga baraha.
Naglisud ang New Millennium Hardware ug gibiyaan sila og singko puntos sa third period, apan si Chavez mihimo’g lima ka fastbreaks sa abag ni Echavez aron kawaton ang labaw. Sukad niadto kontrolado na nila ang duwa.
Ang Villalon nga nagtangag og 2-3 nga baraha gipangulohan ni Tawing Grafe sa iyang 25puntos, gisundan ni Rechel Bamba nga adunay 21 puntos.
Puntos matag usa
New Millennium Hardware (98) – Canjo 30, Chavez 20, Pacquiao 18, Perolino 12, Cinco 7, Incorporado 4, Rogado 3, Comendador 2.
Villalon (83) – Grafe 25, Bamba 21, Arreglo 9, Estremos 9, Villalon 8, Dicdican 5, Perez 2, Erana 2, Suico 2. (BANAT NEWS)
- Latest