Fil-Am pambato sa Olympics

CEBU, Philippines - Padayun nga mipakita og kalambuan ang pambato sa nasud nga si Fil-Am Eric Shaun Cray human sa iyang impresibong performance sa World Tour didto sa Germany.

Si Cray mao pa lang ang bugtong pambato sa Pilipinas sa 2016 Rio de Janeiro Olympics diin siya usab ang gold medalist sa miaging Southeast Asian Games.

Sa taho sa Philstar.com, si Cray ikalima batok sa mga elite American sprinters diin si Michael Rodgers ang nag-una. Nalabwan ni Cray ang Dutch nga si Churandy Martina kinsa miabante sa finals sa 100m ug 200m event sa miaging 2008 ug 2012 Olympics.

Si Cray sunod moduwa sa Asian Indoors sa Doha,Qatar sa hinapos nga bahin ning buwana isip kabahin sa iyang preparasyon sa Olympics. (BANAT PALARO)