RDO moduwa alang Gilas vs South Korea karon

CEBU, Philippines – Mubalik na og duwa si Ranidel De Ocampo alang sa Gilas Pilipinas human magpaalim sa injury sa ilang pakigharung sa karibal nga South Korea sa William Jones Cup didto sa Taiwan.

Ang Gilas nga moduwa nga wala ang ilang sinaligang naturalized center nga si Andray Blatche makigharung sa South Korea karong alas-5 sa hapon.

Si De Ocampo wala kaduwa sa Gilas sa ilang tune-up game sa Estonia, apan salig siya nga hinay-hinay nga mabalik iyang kondisyon aron makatabang sa national team.

“Sa Estonia, naka-practice ako pasundot-sundot,” matud pa ni De Ocampo sa Philstar.com.

Sa iyang bahin, si Marc Pingris mipasalig nga makuha ra niya pagbalik ang ensaktong templa sa iyang duwa human sa mubo nga panahon nga nakauban siya sa team sa practice ni Gilas coach Tab Baldwin.

Sama nila ni De Ocampo ug Pingris, grabe ang kahinam ni  Abueva nga moduwa sa Gilas ug ipakita niya ang tanan niyang hinagiban sa Jones Cup diin masuwayan siya batok sa mas tag-as nga foreign players. (BANAT NEWS)