Pwedeng duolon, apan dili hikapon

Bisan tuod og ‘King James’ maoy angga ni LeBron James sa Cleveland Cavaliers, apan dili siya tinuod nga hari. Hari man tingali siya sa basketball court, apan dili usa ka "royal blood" o harianong dugo ang naglayaw sa iyang mga kaugatan.

Nagbansiwag na sab sa mga pamantalaan ang kasikatan ni James dili tungod sa ilang kadaugan batok sa Brooklyn Nets nga gisaksihan mismo nilang Prince William ug ni  Duchess of Cambridge Kate Middleton didto sa Barclays Center, usa ka distrito sa New York diin ang mga adunahan maoy kanunay mosuroy didtong dapita.

Tungod kay mahiligon man sab sa duwa si Prince William, mitan-aw sila ug human sa duwa miduol kanila si James nga mihatag sab og Cleveland jerseys.

Apan ang wala mauyoni sa mga taga-London ilabi na sa mga royal family mao ang pag-agbay ni James ngadto kang Kate samtang mihangop siya sa princesa. Si Kate maoy umaabot nga reyna sa England.

Sumala pa sa protocol didto sa Great Britain, ang usa ka yanong tawo gidid-an sa paghikap sa bisan kinsa nga sakop sa royal family bisan pa’g ingnon nato kini nga usa lang ka inosenteng matang sa paghangop. Nag-posing  silang Prince William, Kate ug  LeBron human sa duwa.  Samtang gikuhaan sila’g hulagway, giagbayan ni James si Kate sa tuong abaga.

Ang mga hulagway nilang Prince William, Kate ug James daling mikatap didto sa British media diin kadaghanan sa mga pamantalaan didto nagpakita sa maong kalapasan ug sa paghatag ni James sa iyang jersey nga  nagkabasa sa singot.

Matud pa gyud sa mga Briton, giila man tuod si LeBron nga stateside 'King James' apan ang nakapaisa sa kilay sa kadaghanan mao ang iyang pagsikit kang Kate nga basa-basa pa ang unipome sa singot sumala pa sa "Daily Mirror"

Si Kate mabdos og lima ka buwan sa ilang ikaduhang anak ni Prince William. Gitaliwad-an siya nilang Prince William ug James ug mipahiyom atubangan sa camera.

Ang official website sa British Monarchy nagkanayon: ''There are no obligatory codes of behavior for meeting a member of the royal family,  but many people wish to observe the traditional forms.''

Sa mga kalalakin-an, maoy naandan ang pagduko ngadto sa mga kababayen-an. Ang  pagduko nga pina-atras ang usa ka tiil  maoy ilang naandan nga pagabuhaton.

Niadtong 2009, gisaway sa British media ang laing American citizen sa paglapas sa  ''no-touch'' rule dihang giagbayan ni Michelle Obama, asawa ni US. President Barack Obama si Queen Elizabeth II didto sa Buckingham Palace, ang  palasyo sa Royal Family.

Si Prince William, kinsa apo ni Queen Elizabeth ug maoy ikaduha sa trono sa iyang amahan nga si Prince Charles, mihimo’g three-day visit didto sa Estados Unidos uban ni Kate.

Atol sa maong panagtagbo kang James, gihatagan ni LeBron ang royal couple og duha ka Cleveland jerseys - usa yellow nga may markang ''Cambridge'' sa likod ug no. 7 ubos niini. Ikaduha pula nga may gamay nga markang ''George'' nga may  no. 1 alang sa usa ka tuig nilang anak nga si Prince George.

MISCELLANEOUS. Belated birthday greetings to my wife Guadalupe ‘Gingging’ Malagar last December 12 which coincided with the feast of the Patroness of Cebu Birhen sa Guadalupe. Congratulations to The Freeman family for their very successful Christmas party in Greens. Congratulations to the winners of the Star of the Night costume competitions of which the top two winners in the male division were Tommy Euraba and Lagmar Lavistre and to the female division winners Cheryl Uy and Mae Laurice Ypil Mercader. I was also a part of the Christmas party of TV5-Radyo Singko last Saturday from 10 am to 4 pm at The Ranch resort in Toledo city. That was a gorgeous party Kapatid (Happy Network)Ms. Karla Kintanar-Fernandez. The party was graced by  TV5 executives Mr. Raul dela Cruz and Mr. Pierre Buhay.