UC squad abante semis sa CESAFI football event
CEBU, Philippines – Ang University of Cebu (UC) nakaangkon og luna sa semifinals sa football event sa Cebu Schools Athletic Foundation Inc. (CESAFI) pinaagi sa pagkadlit og 5-0 nga kadaugan batok sa Don Bosco College (DBC) niadtong Domingo didto sa Cebu City Sports Center (CCSC).
Si Jason Roca miposte’g sunod-sunod nga goals alang sa UC sa 20th ug 22nd minute sa duwa. Laing goal nahimo ni Aquillo Onopia sa 30th, gisundan ni Ralph Plaza sa 34th ug dayon ni Jupiter Dotillo sa 8th minute.
Sa maong kadaugan, ang UC ni coach Glenn Ramos mitungtong sa ikaduhang dapit sa standing sunod sa University of Southern Philippines Foundation (USPF). Ang University of San Carlos (USC) nalandig sa ikatulo human gipilde ang USPF, 2-1.
Ang katapusang luna sa semifinal napunta ngadto sa defending champion University of San Jose-Recoletos (USJ-R). (BANAT NEWS)
- Latest
