23rd Erne Jawad tablenetfest mosikad karon diha sa CCSC

CEBU, Philippines - Mosikad na ang 23rd edition sa Erne Jawad  Cup,  karong adlawa diha sa Cebu City Sports Center (CCSC)

Kapin sa 200 entrante ang gilaumang mopakita’g aksiyon sa maong kompetisyon, ang longest running table tennis tournament dinhi sa Sugbo.

Ang multi-titled players gikan sa University of Cebu (UC) maoy mangu sa mga entrante ning duha ka adlaw nga kompetisyon.

Si event organizer  Jessica Jawad-Honoridez, igsuon ni anhing Erne Jawad, kinsa sakop kaniadto sa Philippine team  naglaum sa mga former ug current members sa nasudnong koponan nga mosalmot.

Gawas sa men ug women’s open, ang lain pang mga kategoriya nga banatan mao ang boys ug girls 13  ug 18-under.  Aduna say “liha” kompetisyon.

Ganting salapi ug tropeyo ang madawat sa top performers sa tinuig nga kompetisyon nga gipasiugdahan sa Erne Jawad Memorial  Table Tennis Club, Inc. ug sanctioned sa Table Tennis  Association of the Philippines.