Gustong papahawaon ang GF sa amahan
Dear Atty. Divine,
Namatay na ang akong mama ug aduna kini gibilin nga house and lot nga nakapangalan nilang duha ni papa.
Buhi pa ang akong papa ug siya ang nagpuyo sa among balay. Apan karong bag-o among nahibaw-an nga gidala ni papa ang iyang girlfriend ug naa na niya gipapuyo sa among balay.
Wa makauyon niini ang akong mga igsuon. Unsay angayan namo nga buhaton? Pwede ba namo nga papahawaon ang babaye? Daghang salamat. — Niko
Dear Niko,
Mas maayo nga estoryahon ninyo ang inyong papa ug sultian nga dili mo gusto nga anha mopuyo ang iyang babaye sa inyong balay.
Mas maayo nga pasabton ninyo ang inyong amahan kon nganong dili kamo mosugot nga anha mopuyo ang iyang babaye kay pareho man mo nga adunay katungod sa maong property.
Hinuon, kon ang maong property conjugal or acquired during the marriage sa inyong mama ug papa, then katunga niini gipanag-iya sa inyong papa.
Busa mas maayong magsabot-sabot lang mo ug inyo sab nga paminawon ang side sa inyong papa. Thanks and God bless! -Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest