Sa Sacred Heart Center

Di kaayo ko ganahan sa atubangan panahon sa recollection. Mao nga adto gyud ko sa likod. Apan unsang pagka-unsaa nga tua didto sa likod si Cardinal Vidal naglingkod ug naminaw iya kong gikamay... Miduol ko og iya kong giingnan: “Why are you sitting there?” wa magkadimao ang akong tubag mao nga nipahiyom siya dungan ang pag-ingon: “Alibi mo lang yan!” upo ka doon hijo! Tuod man nakalingkod gyud ko og ahat sa atubangan. Di gyud ka kaikyas kay sa mga recollections kanunay siyang anaa. Ug sa akong nahibaw-an ang mga gipamulong sa mga pagmaymay panahon sa recollections ang na-compile na man ngadto sa pipila ka mga volumes sa libro. Timailhan nga most of the time siya anaa gyud sa recollections. Duol ra ang Sacred Heart Center gikan sa centennial house ang abotanan sa kaparian. Ug gani bisan kun tua na sa Betania anaa gyud siya. Sa panahon sa mga alumni homecomings anaa gyud siya. Naka-immerse gyud siya sa kanunay kuyog sa iyang panon. May mga lakaw man tuod siya sa layo apan tingali mas labaw ang iyang pagpuyo dinhi sa Sugbo. Ug gani iya mang gimbut-an nga anhi na lang dinhi sa Sugbo magpakamatay. Ug di gyud nako hikalimtan ang iyang giingon ngari namo: “I prefer to be pastoral than to be popular!” lig-ong baruganan nga usahay nahikalimtan sa daghang kaparian…. Ang Sacred Heart Center sa Jakosalem saksi sa kang Cardinal Vidal nga presensiya ug pagdumala.