Private cars for public use

Mao kini ang status sa Uber ug Grab nga mga private cars nga ginegosyo pinaagi sa pagpamasahero. Sama sa Habal-habal ug Angkas, wala kini sila’y franchise, dili mobayad sa buhis gikan unta sa ilang kinitaan, sila ang magbuot pila ang iplite sa ilang mga pasahero, ug labaw sa tanan, girehistro kini sila isip mga private cars, ug dili public utility vehicle. Busa wala’y insurance sa PAMI.

Sa laktud, samtang estrikto kaayo ang LTFRB ug LTO sa mga taxi, ang Uber, Grab, Habalhabal, ug Angkas self-regulated, sila ra ang magbuot. Only in the Philippines?

Hinuon, on the other hand, giingon nga ang Uber ug ang Grab nakapaluag sa traffic congestion ug nakahatag og dakong convenience sa mga sumasakay nga nagdali. Kasagaran  brand-new nga mga kotse ug ang mga driver courteous kaayo, ug dili pa manimaho.

Mao nga alang sa mga taxi operator, ilang paningkamotan ang pagpa-upgrade sa ilang mga sakyanan, ug mo-hire og mga buotan ug tarong lang nga mga driver. Unya, ilang kopyahon ang paagi sa Uber ug Grab nga mahimo silang makapa-booking.

Niini, mapatas na ang operation, both sa taxi ug sa Uber ug Grab, wala’y makabintaha.

Nagkagrabe ang suliran sa trapiko sa atong siyudad, giingon nga mas grabe pa kay sa kaulohan. Worst, wala kita’y nakita nga immediate solution.

Ang atong mahimo is to live with it. Magpaanad-anad na lang ta, kay once we get used to it, dili na kaayo kita masakitan. Rush ug peak hours na ang tanang oras tibuok adlaw, bisan asa nga dapit.

Kining kanunay natong gihandom nga mass transport system, pagtukod og halapad nga kadalanan, lakip na ang pagtukod sa underpass, dugang taytayan nga magdugtong sa isla sa Mactan ug mainland Cebu ug uban pa nga ambisyuso kaayong infrastructure projects, medyo dugay-dugay pa kaayo kining ma-realized.

In the meantime, adunay mga sugyot nga mahimong i-implement karon dayon, wala’y gasto, ang odd-even plate number scheme.   Ang sugyot: Gikan sa alas 6am hangtud alas 9am ang padaganon kadto rang odd number nga plate, unya, gikan sa   alas 9am hangtud alas 12nn, ang  even number na pud ang padaganon.

Dinhi atong makita nga sa mga oras nga gitakda, katunga ra sa gidaghanon nga mga sakyanan ang magdagan tibuok adlaw – hangtud na sa alas 9 sa gabii.  Sa ato pa, magpuli-puli ang magdagan sa kadalanan. Ug ang mga car owner, mao nay mo-adjust ug maghuwat kanus-ang ilang schedule pagdagan.

Makalibog?