Indifference

SEPTIYEMBRE 25, 2016: Ikakawhaa’g unom nga Domingo sulod sa tuig (National Seafarer's Day)

Mga Pagbasa:    Am. 6;1-4-7/Sal.146/1 Tim. 6;11-16/Lk. 16;19-31

Kini ang nahimong trend sa panahon kay lagi di man iyang problema aw di lang pud ta manginlabot. Kun duna gani nabutang sa alanganin ang tanan mohirit pud aron makaambit sa pagpanudya ug paghukngay. Ang dato wala mo maltrato kang Lazaro apan sa laing bahin wala pud siya'y gihimo maski gamay na lang aron pagtabang kaniya. Ang resulta sa katapusang yugto siya nagbasol ug bisan gani didto sa dapit alang kaniya padayon niyang gihambin ang dakong pagmahay kay ang iyang binuhatan miresulta man og pag-antos. Sa laing bahin, ang bugtong paagi sa pagbuntog sa indifference mao man ang pagpanginlabot segun sa atong kapasidad ug segun usab sa atong maabot. Ning paagiha di ta bation og kauwaw panahon sa paghukom.