Tanom nga maghatag positibong enerhiya (2)

Halos tanang tanom o mga misitas sa panimalay nagbaton kini'g dakong kapuslanan, dili lang aron makadugang sa pagkabig og nindot nga talan-awon. Nga maayo ang pagkahimutang nga nagsilbing adorno o dekorasyon. Bisan ang NASA (National Aeronautics & Space Administration) nikompirmar ini pinaagi sa ilang sayantipikanhong obserbasyon, ang mga misitas (homeplants) dili lang ni  kutob sa pagpatahom sa pinuy-anan. Nagbaton sab kini'g gahum sa pag-ayo  (healing powers) sa lawas, panghunahuna, pagbati, tawhanong spiritu (human spirit) ug maghatag sab og maayong oportunidad ug kaabunda sa katigayonan.

Sama pananglitan ining mga misitasa nga komon nang gidayan sa mga panimalay aron molig-on ug magmalinawon ang panag-uban.

* Sage — Nabaniog na kining nagbaton og kalidad sa paghinlo sa lawas ug sa hunahuna (mindbody cleansing). May abilidad sab ni  sa pagtabang nga mahashasan ang kinsa mang kaabiba nga naimpluwensyahan sa negatibong inerhiya.

Segun sa pagtuon sa Georgetown University, sa panglawas usa ni ka antifungal, antibakteryal, karminatibo, diuretic (mopaihi'g daghan), antiseptic ug hypoglycemic (paus-os sa  bloodsugar). 

* Rosemary — Ang essential oil niini, makapagana sa gimbuhaton sa utok ug makapa-alerto kanunay ug makapahupay sa bationg kasakit.

Makaayo sa memorya, nga mopalig-on sa pangutok. Mopahumot sa baba ug nga madani ta's  kahumot niining mopukaw sa kahimatngon. Makatabang usab kini sa atong  digestive system. Pwede kaonon ug ilamas aron ganado sa pagkaon. Matud ni Dr.Mercola.com, usa ni's kinahimsogang may liboang benepisyo sa panglawas.