Pagkaong makadaut kun initon (2)

Sa miagi, atong gituki ang mga pagkaon, nga bisan pa kini makapahimsog sa panglawas, apan mao ra gihapon kini ang hinungdan nga masakit kita. Kana kun mahilig kita nga ang nabugnaw o ang isud sa ref ang mga pagkaon, unya initon pag-usab, delikado na kini kun mao nay kaunon nato. Angay tang magmatngon, sama niining pipila nga paborito kaayo natong mga pagkaon;

* Spinach – Sama sa ubang green veggie o utanon, kini nagbaton og iron ug nitrates. Human kini maluto, unya kun mabugnaw nga initon pagbalik, ang nitrates compound  mahimong nitrites nga 1ka carcinogens o makakanser.

* Eggs (mga itlog) – Bisag unsaon ni pagluto kun mabugnaw ayaw na kini inita pag-usab, kay makadaut na kini sa tiyan nga maguba ang sistima sa digestions, dili na kahilisan. Kay ang mga sustansiya niini, toksik o makahilo na.

* Rice (bugas humay) – Bisan sa hilaw pa, duna na ni abhong o bakterya, nga kun maluto na dili ni mamatay modaghan ang bakterya. Musamot kini og kadaghan kun mabugnaw unya initon pagbalik. Inigkaon niini magdaut ang tiyan nga mag-alburoto o magkalibang.

* Potatoes (patatas) – Kun maluto na ni unya mabugnaw ayaw na inita’g balik, kay matugkan na ni’g botulinum bacterium nga makadaut sa nervous system og dugay sa temperatura.

* Oils – Mga lana sama sa walnut oil, grapeseed oil, flaxen oil, ug hazelnut oil, igo lang ni isagol o idangdang sa init, dili gamitong pangluto. Pwede ipahid o butangan ang linuto samtang init pa. Kun mabugnaw ayaw na kini inita ang pagkaon nga may sagol sa nahisgutang lana, kay makakanser na kini kaunon.