Matulog patakilid sa wala (1)

Di kalikayan nga usahay, dili ta komportable nga nag-alindasay sa panahon sa atong pagpahuway sa kagabhion. Lihokan nga bisa'g unsa la'y mga posisyon nga masagop sa hunahuna.

Nasayod na kita, nga kritikal sa lawas ang wa'y maayong kinatulgan, tungod kay wa makabenepisyo nga mahinanok sa pagtulog

Segun sa sayantipikanhon nga pagtuon, nagsugyot nga ang yawe sa mas maayong pagkakatulog mao ang posisyon nga nakatakilid dapit sa wala. Kini nga teyoriya nagsukad sa tradisyonal nga panambal sa 'Ayuveda' nga gikan sa India. Busa, di na angay nga libogon pa ang hustong posisyon sa pagtulog.

Suhituon nato kining mga katarungan sa mahatag nga benepisyo sa lawas, kun matulog nga nakatakilid sa wala ang posisyon. Sundan ang mga mosunod;

* Mopalig-on sa 'lymphatic system' — Kabahin kini sa sirkulasyon sa lawas, diin ang tumong mao ang nausik nga mga nutrens, hakuton nga ipadala pagbalik  ngadto sa dugo, aron kini ilawog nga mohimsog ang mga selyula sa lawas. Diin ang mga lusay (lymph nodes) nga natibuok sa mga himsog nga maayong bakterya, moreskyu nga depensahan ang lawas batok sa impeksyons.

* Maayong paghilis sa kinaon (digestion) — Pabor kini sa matulog nga patakilid sa wala, nga libre makatrabaho ang 'digestive system'. Hamugaway nga di maapiki nga hilison ang mga kinaon samtang  nakatulog.

Ang stomago sa tiyan, anaa sa walang dapit nahimutang, pabilin nga trabahoon ang 'pancreatic enzymes' ug ubang mga proseso nga nanginahanglan sa pagtunaw o paghilis. 

* Makaayo sa kasingkasing — Nga girekomendar sa mga doktor, nga mas makaayo kini nga nakaposisyon sa pagtulog nga nakatakilid sa wala. 

Kay dili mapuwerhisyo nga mangaipit ang pinong kaugatan sa kasingkasing.

Matud pa, ang uban may panag-ergo gihapon, kabahin ini sa hustong posisyon sa pagtulog.