Ang lawas nga kulang sa tubig (2)

Sa miagi, ang ulahing nahisgutan nato, mao ang kabilihon sa pag-inom og igong gidaghanon sa tubig. Kay kun magkulang ini, anamon ang lawas nga kini magkasakit. Ania ang dugang di maayong  epekto, kun kulang kita sa tubig.

* Panakit sa mga lutahan — Ang panagdugtong sa kabukogan maoy kalihokan sa mga lutahan. Kun ang lawas nakalihok sa tanang posisyon, ang mga lutahan adunay proteksyon nga tisyo aron ang 'cartilage' o 'spinal discs', dili direkta magbinaghiray. Nga kun kulang sa tubig, monipis kining mobaid nga makagnan ang lutahan nga sakit na kaayo ilihok. Ang lawas natibuok sa 80% nga tubig, kinahanglan imintin kini, kay kun kulang, motumaw ang dagha'ng  pamation nga sakit sa atong lawas.

* Mohiyos sab ang kaugatan — Ang gumahon nga kaugatan bikilonon nga dili na maunat kay niuk-ok, nihiyos nga di na kaagian sa dugo nga nagdala'g 'oxygen' ug mga nutrens nga isirkular para isuplay sa mga selyula sa lawas.

Ang 'blood clots' o pagbara sa ugat, ang kakulang sa tubig mao'y usa sa hinungdan.

* Luyaho'g lawas nga permi kapuyon—  Tungod sa di normal o wala na'y kapasidad sa kapi-ot sa mga agianan sa dugo, nga di na kini kalibot paghatud sa mga sustansya nga gikinahanglan sa lawas para mobaskog.

* Ingon nga kanunay gigutom — Di masabot ang tiyan, nga ang ginhawaan dili na katarong sa pagtrabaho. Mamukaw bisa'g busog, balit-aron sa utok nga marehistro ang kagutom, hangtud dili na katulog pagbalik.

* Dugay nga kahilisan —kay kulang sa tubig nga hilison ang kinaon ini, nga maoy hinungdan nga naparalisar  ang atong 'digestive system'.

* Konstipasyon — Nga maglisud sa paglibang kay gitubol, kay kulang man sa tubig aron unta kini normal nga pahumokon.

* Daling matiguwang —Kay ang panit dili na hamis, kunot na tan-awon.