Abuyog mibalik
asungkit sa Carcar City Division ang first prize sa Sinulog based category samtang ang Tribu Kandaya sa Daanbantayan usab ang kampeyon sa Free Interpretation category. File
CEBU, Philippines — Nagagikan sa Probinsya sa Sugbo ang mga nahimong kampeyon sa Sinulog Grand Parade karong 2018 samtang nakuha sa Tribu Buyoganon ang atensyon sa mga hurado sa talagsaon ug lisod nga dance steps sa pagsayaw diha sa dalan.
Nasungkit sa Carcar City Division ang first prize sa Sinulog based category samtang ang Tribu Kandaya sa Daanbantayan usab ang kampeyon sa Free Interpretation category.
Ang parehong contingents mao usab ang nakakuha sa Best In Costume sa ilang category.
Ang Carcar nakuha usab sa first prize sa best in musicality sa Sinulog based category.
Ang Tribu Buyoganon sa Abuyog Leyte nisungkit sa best in musicality sa free interpretation category.
Ang maong contingent gikan sa Leyte usab maoy kampeyon sa best in street dancing.
Sumala sa mga judges nga ang “spectacle” ug “difficulty” sa dance steps sa maong contingent nga maoy nakapalahi kanila itandi sa 32 ka mga misalmot nga contingents.
Matud pa sa mga hurado, kinahanglan nga makuha gihapon sa mga dancers ang kaabtik ug kalimpyo sa ilang performance sa pagsayaw diha sa dalan bisan pa man sa pressure ug sa kadaghan sa mga tawo nga anaa sa kadalanan.
Ang Tribu Buyoganon misaad nang daan nga sa ilang pagbalik ilang pakuratan ang mga manan-aw human sila wala makaapil sa miaging tuig.
Ania ang tibook listahan sa mga winners sa Sinulog 2018:
Sa Sinulog Based category, ang 1st prize ang Carcar City Division, 2nd prize ang Banay Labangon, 3rd prize ang Talisay City Central School, 4th prize ang Municipality of Tuburan ug 5th prize ang Kulturang Panglaoanon sa Municipality of Panglao.
Sa Free Interpretation category, 1st prize ang Municipality of Daanbantayan, 2nd prize sa Tribu Buyuganon Municipality of Abuyog, Leyte, 3rd prize sa Tribu Katbalaugan sa Catbalogan City, Samar, 4th prize ang Lumad Basakanon sa Brgy. Basak San Nicolas samtang 5th prize ang Tribu Kalivungan-North Cotabato.
Sa Street Dancing Category, 1st prize ang Tribu Buyuganon sa Municipality of Abuyog, Leyte, 2nd prize ang Tribu Katbalaugan sa Catbalogan City, Samar, 3rd prize ang Municipality of Tuburan, 4th prize nakuha sa Tribu Kandaya Municipality of Daanbantayan ug 5th prize ang Banay Labangon. (BANAT NEWS)
- Latest
