Miss Asia Pacific beauties nalingaw
CEBU, Philippines — Nalingaw ang mga mananaug sa Miss Asia Pacific International 2017 sa ilang pagbisita sa Sugbo.
Sila si Miss Asia Pacific International 2017 Francielly Ouriques sa Brazil, 1st runner-up Acacia Walker sa New Zealand, 2nd runner-up Valeria Cardona sa Honduras ug ang 4th runner-up Ilene de Vera sa Pilipinas ang niatubang sa mga sakop sa media sa Bai Hotel kagahapon.
Matud pa sa mga beauty queens nga bisan og duha ka adlaw lang ang pagbisita nila sa Sugbo, nalingaw sila sa mga nindot nga lugar nga ilang naadtoan.
"We don't feel homesick here, we find the Cebuanos very hospitable," matud ni Miss Brazil
Kagahapon sa hapon gipahigayon sab nila ang tour sa Sugbo. Usa sa ilang mga gibisita ang labing ilado nga Magellan’s Cross, ang Cebu Metropolitan Cathedral, Taoist Temple, monumento ni Lapu-Lapu sa Mactan ug ang Bluewater Maribago Beach Resort.
Mobalik dayon ang mga beauties sa Manila alang sa ilang tour sa Palawan samtang si Miss Brazil mobalik na sa iyang nasud. - /GMR) (BANAT NEWS)
- Latest
