Gipangsuspenso sa CPDRC nakabalik na
CEBU, Philippines — Nakabalik na sa trabaho ang halos tanang jail personnel sa Cebu Provincial Detention and Rehabilitation Center (CPDRC) nga gipaubos sa 30 ka adlaw nga preventive suspension.
Apan padayon ang imbestigayon kalabot sa giingong kalambigitan niini sa pagpalusot og ilegal nga drugas ug kontrabando sa provincial jail.
Si Audesti Miguel, ang acting jail warden, nagkanayon nga dili pa tanang 12 ka personnel ang nakabalik sa trabaho sanglit dili man dungan ang pagdawat nila sa notisya.
Sa 12 ka personnel, 10 niini ang jail guards diin si Atty. Orvi Ortega, chairman sa Committee on Discipline and Investigation, nagkanayon nga sunod semana gikatakda ang preliminary conference human ang mga hingtungdan nakaduso na sa ilang written reply sa pasangil.
Si Miguel nagkanayon nga sa pagkakaron nibalik na sa tagsa-tagsa ka tahas ang mga personnel kinsa ang uban kanila magsilbing escort sa mga piniriso sa pagdungog sa ilang kaso sa korte. (BANAT NEWS)
- Latest
