Allowance sa mga barangay lingkuran
CEBU, Philippines — Giklaro ni Konsehal Margarita Osmeña sa Bando Osmeña-Pundok Kauswagan (BOPK) nga gihatagan nila og pagtagad ang pagka-delatar sa paghatag og allowance sa mga barangay tanod ingon man ubang mga kawani sa barangay.
Nagkanayon si Osmeña nga gi-estoryahan nila ni Association of Barangay Councils (ABC) president ug Tisa Barangay Kapitan Philip Zafra nga kung mahimo ila kining lingkuran aron mas dali nga makuha sa mga barangay workers ang assistance nga ihatag sa siyudad.
Dugang ni Osmeña sa ilang meeting sa iyang buhatan nitambong ang City Accountant, City Treasurer, Budget Officer, si Zafra ug assistant niini.
“We were supposed to sit down and I even texted him and I said ‘Philip, Tommy is asking if he can sit down with you so that this can be all be work out’ eventually he texted me back I have it all and he said something I’m talking now with the Team Rama, if has to be with them, I said fine and Tommy said yeah sure anytime,” dugang sa konsehal.
Gipasabot ni Osmeña nga kun duna siyay mahimo aron ang legislative ug executive department maghiusa, iya kining buhaton apan gitataw nga dili siya makapugos. Apan si Zafra sa iyang bahin niingon nga opisyal silang nakig-alayon sa City Office on Substance Abuse Prevention COSAP) nga gipangulohan ni Garry Lao ug gani sa ilang quarterly meeting giimbitar nila si Lao ug natubag ang concerns sa pipila ka barangay kapitan.
Ilang gihangyo ang COSAP nga himoan og memorandum ug ibutang ang tanang gikinahanglan rekisitos sa pagduso sa accomplishment report.
Matud sab ni Zafra nga sa COSAP siya nakig-alayon kay matud pa mao usab kini ang natuki atol sa ilang session ug nagtuo siya nga ang COSAP maoy saktong opisina nga angayang duolan isip gitahasan sa mayor sa pagtubag sa mga problema. (BANAT NEWS)
- Latest
