50-anyos naglakaw gipusil patay
CEBU, Philippines — Patay ang usa ka lalaki human gipusil sa wala ilhing mamumuno sa Sitio Township, Barangay Poog, Dakbayan sa Toledo kagahapon sa buntag.
Giila ang biktima nga si Lobito Respondo Eribias, 50-anyos, nagpuyo sa nahisgutang lugar.
Base sa imbestigasyon sa kapolisan nga samtang naglakaw ang biktima kalit kining giduol sa wala ilhing tawo kinsa nibunot sa dala niini nga kalibre .45 nga armas ug gipusil ang biktima duha ka higayon.
Human sa pagpamusil daling nisibat ang mamumuno palayo sa maong lugar.
Daling gidala sa tambalanan ang biktima apan gideklarar kini sa nag-atiman nga doktor nga patay na.
Narekober sa kapolisan sa crime scene ang duha ka kabhang sa bala sa .45 kalibre nga armas.
Padayon pa nga gisuta sa kapolisan ang motibo ug hinungdan sa pagpamusil samtang anaa na sa punerarya ang patay’ng lawas sa biktima ug gikatakdang ipailawom sa pag-otopsiya. (BANAT NEWS)
- Latest
