Shabu gisagol sa isda?
Niadtong adlaw’ng Huwebes sa miaging semana pinaagi sa hiniusang pwersa sa Philippine Drug Enforcement Agency (PDEA)-7 ug kapulisan sa siyudad sa Sugbo nagpahigayon sila og operasyon tungod sa report nga nadawat nga giingong ang mga isda nga modunggo sa Pasil Fish Port dunay sagol illegal drugs. Philstar.com/File
CEBU, Philippines - Giubanan ni Pasil Barangay Captain Julius Guio-guio ang mga tag-iya niadtong mga isda nga gisusi sa mga tinugyanan sa balaod sa Pasil Fish port niadtong adlaw’ng Huwebes sa miaging semana human makadawat og report nga adunay mga ilegal nga drugas nga matud pa isagol og butang sa mga isda.
Mibisita sila kang Konsehal Dave Tumulak, Deputy Mayor for Police Matters aron paglimpyo sa ilang ngalan tungod kay wala gyud sila malambigit niining ginadiling drugas.
Niadtong adlaw’ng Huwebes sa miaging semana pinaagi sa hiniusang pwersa sa Philippine Drug Enforcement Agency (PDEA)-7 ug kapulisan sa siyudad sa Sugbo nagpahigayon sila og operasyon tungod sa report nga nadawat nga giingong ang mga isda nga modunggo sa Pasil Fish Port dunay sagol illegal drugs.
Uban sa mga tinugyanan sa balaod uban nila ang Bureau of Fisheries and Aquatic Resources (BFAR)-7 tungod kay gisusi usab nila kun dunay mga isda nga pinabuthan.
Sa gihimong inspeksiyon sa BFAR ug mga otoridad negatibo ang resulta diin wala sila’y nakitang drugas sa 30 ka kahon sa mga isda nga mao na lay nahibilin gikan sa orihinal nga 103 human nangahalin na ang uban.
Sila si Kapitan Guio-guio ug Maria Luisa Cabije nga usa ka negosyante og isda sa Pasil ang nipamatuod nga wala’y sagol nga drugas ang mga isda nga ilang gidawat gikan sa mga fish traders sa Basilan.
Si Sharif Fauzi Jullabi, tag-iya sa maong mga isda, 48, taga Maluso, Basilan miingon nga gusto gyud nila malimpyuhan ang ilang pangalan kay wala gyud sila nisulod nianang ilegal nga binuhatan.
Giangkon ni Jullabi nga nasakitan ug dili sila kadawat sa maong pasangil kay wala man gyud nila sagoli og binuang ang ilang panginabuhian.
Tungod sa maong pasangil, nakadesider sila nga dili mobalik sa Basilan hangtud nga dili malimpyohan ang ilang pangalan.
Nasayran nga tuig na nga nagsige og transport og isda si Jullabi sa Pasil Fish Port ug nagduda kini nga basin og gisuyaan siya tungod kay sa negosyo dili gyud kini mawala.
Si Konsehal Tumulak miingon nga warning kini sa mga fish traders tungod kay ang Pasil Fish Port gi-monitor na kini tungod sa report nga ilang nadawat. (BANAT NEWS)
- Latest
