Giyera batok drugas padayon

CEBU, Philippines - Padayunon sa kapolisan ang giyera batok sa ginadiling drugas nunot sa pahibawo ni Presidente Rodrigo Duterte sa iyang ikaduhang State of the Nation Address bisan sa pagsupak sa ubang sektor.

Matud sa tigpamaba sa Police Regional Office-7, Senior Inspector Reslyn Abella, nga maoy tuyo ni PRO-7 Director Jose Mario Espino nga dugangan pa ang ilang paningkamot aron mas dako ang ilang accomplishments.

Ang PRO-7 nakadakop og 9,177 ka nalambigit sa drugas gikan sa Hulyo 1, 2016 hangtud Hunyo 27, 2017. Una nang gideklarar sa Presidente nga usa ang Sugbo sa hotspots sa ilegal nga drugas.

Sa iyang bahin, si Cebu City Police Office Director Joel Doria niingon nga kung sa una matag buwan lang ang One Time Big Time, karon himoong matag semana na. (BANAT NEWS)