PB nipasidaan batok ‘bomb joke’
CEBU, Philippines - Giawhag sa mga sakop sa Provincial Board ang mga lokal nga kagamhanan sa pagpasidaan sa ilang mga residente kalabot sa “bomb joke” o pagkomedya nga adunay bomba ilabi na sa pangpublikong lugar.
Kini human sa sunod-sunod nga insidente nga dunay nangapriso tungod sa pag-ingon nga duna silay dala nga bomba dihang gi-inspeksiyon sa mga guwardiya sa mga dagkung tindahan.
Matud ni Bokal Thadeo Jovito Ouano nga angayang ibutang sa huna-huna sa tanan nga ang bomb joke matawag nga seryosong hulga ilabi na human sa pagpamomba sa Dakbayan sa Davao diin ubay-ubay ang nangaangol ug dunay mga nangamatay.
Ang “bomb joke” kalapasan sa Presidential Decree (PD) 1727. (BANAT NEWS)
- Latest