Archival labing datu nga opisyal sa siyudad

CEBU, Philippines - Nagpabiling labing datu nga konsehal si Nestor Archival sa Dakbayan sa Sugbo human nisaka ang iyang net worth ngadto sa P27.4 milyones sa tuig 2015.

Nagsunod kaniya si Konsehal Mary Ann Delos Santos kinsa adunay P12.86 milyones nga net worth sa tuig 2014 ug nisaka kini ngadto sa P13.46 milyones sa tuig 2015.

Gisundan ni Bise Mayor Edgardo Labella nga nisaka usab ang net worth ngadto sa P12.23 milyones gikan sa P12 milyones.

Samtang si Mayor Michael Rama nahimutang sa sa ika-11 sa tanang piniling opisyal sa dakbayan kinsa adunay net worth nga P4.9 milyones gikan sa P4.69 milyones sa 2014.

Ang uban nga konsehal nga sila si Hanz Abella adunay net worth nga P12.66 milyones, James Cuenco adunay P12.045 milyones, Margarita Osmeña adunay P8.53 milyones, Sisinio Andales adunay P8.12 milyones, Eugenio Gabuya adunay P7.027 milyones, Richard Osmeña  adunay P5.21 milyones, Lea Japson adunay P5.085 milyones, Alvin Arcilla adunay P4.71 milyones, Noel Eleuterio Wenceslao adunay P3.15 milyones, Alvin M. Dizon adunay P945,000, Roberto Cabarrubias adunay P685,000 ug Dave Tumulak nga adunay P109,694 sa tuig 2015. (BANAT NEWS)