P49M ang nahatag nga insentibo sa barangay workers

CEBU, Philippines - Gikan sa tuig 2013 hangtud 2015 mikabat sa P49 milyones ang nagahin nga pundo sa Kapitolyo alang sa productivity incentives sa mga barangay workers sa kalungsuran.

Ang mga barangay health workers, nutrition scholars ug day care workers matag usa kanila nakadawat og P2,400 nga productivity incentive. Samtang ang animal health aides ug mga tanod nakadawat matag usa kanila og P1,500. Si Gob. Hilario Davide, III nagkanayon nga ang barangay workers matawag nga boluntaryong panerbisyo apan ang mga opisyal sa Kapitolyo nagtuo nga nagkinahanglan usab sila og suporta.

Ang maong mga volunteers maoy motabang pag-implementar sa mga programa sa gobiyerno ngadto sa matag pamilya diha sa kabarangayan ilabi na panahon sa kalamidad. (BANAT NEWS)