Gi-holdup dapit sa CICC
CEBU, Philippines - Nakuhaan og P2,800 ang usa ka lalaki diha’ng gi-holdup sa Guizo, Dakbayan sa Mandaue sa niagi’ng adlaw.
Nitaho sa Presinto 1 sa Mandaue City Police Office si Albert Javier, 45, nagpuyo sa Echivarre St., Barangay Mantuyong, human gi- holdup sa may A. Soriano St. atubangan sa Cebu International Convention Center (CICC).
Matud ni Javier nga samtang siya naglakaw sa dalan sa nahisgutang lugar kalit lang nitunga ang suspek dayon tion sa kutsilyo sa iya’ng liog ug nideklarar og tulis.
Nakuha ang P2,800 nga kwarta sa iya’ng pitaka dayon lakaw sa suspek.
Sa follow-up operation sa kapolisan nga gipangulohan ni Police Senior Inspector Zenaido Sanchez nadakpan ang suspek sa Sitio Ihawan, Brgy. Mantuyong.
Ang suspek giila nga si John Baunsit, 30, may kapuyo sa nahisgutang lugar ug positibo kini’ng giila ni Javier.
Nabawi gikan sa suspek ang nahabilin nga P1,100 nga kwarta ug lakip sa nakuha ang usa ka pakete nga gituohang ginadili’ng drugas. (BANAT NEWS)
- Latest