LPG sud sa butane canister maoy hinungdan sa sunog
CEBU, Philippines – Dul-an 30 ka balay ang naugdaw sa nahitabong sunog diha sa Purok Gemelina, barangay Poblacion sa dakbayan sa Lapu-Lapu kagahapon sa buntag.
Matud ni Senior Fire Officer 1 Climaco Salisid sa Lapu-Lapu City Fire Department nagsugod ang sunog sa alas 10:42 sa buntag gikan sa ikaduhang andana sa panimalay sa usa ka gihinganlan og "Sarah."
Gibanabanang mokabat sa P250 mil ang danyos sa sunog nga hingpit napawong alas 12:15 na sa udto.
Sa pakisusi ni Salisid, ang maong lugar gipuy-an sa Muslim community. Gisubay nila karon ang report nga nagsugod ang sunog sa nag leak nga liquified petroleum gas nga gisulod lang og butane canister.
Wa hinuoy nakalas o naangol sa maong sunog samtang gipahiluna ang mga nasunogan sa usa ka bakanteng lote nga gibutangan og mga tents ug gihatagan na og pasiunang hinabang sa city social welfare office. - /EIM) (BANAT NEWS)
- Latest
