Hiyasmin (315)
“Sinabi ko na ito kay Hiyasmin pero gusto kong marinig mo mula sa akin. Ikaw ang dapat makarinig ng mga habilin ni Rashid. Gusto ko masabi sa iyo lahat ang mga sinabi ng aking kapatid,’’ sabi ni Mary kay Mama Lira.
“Nasabi nga sa akin ni Hiyasmin ang tungkol sa iniwan ni Rashid at hindi ako makapaniwala, Mary. Hindi ko akalain na labis-labis ang pagmamahal sa amin ni Rashid.”
“Biniro ko nga si Hiyasmin na ang iniwan ng kanyang papa ay sapat-sapat na o sobra pa. Maski hindi na siya magtrabaho ay kaya siyang buhayin ng kayamanang iniwan ni Rashid.”
“Napakabuti ni Rashid, Mary.”
“Sabi sa akin ni Rashid noon, may plano siyang sundan ka rito sa Pilipinas subalit hindi nagkaroon ng katuparan dahil sa pagtutol ng aming mga magulang. Masyado siyang napanghimasukan ng aming parents. Palibhasa ay nag-iisang lalaki. Hindi ko naman masisi si Rashid dahil masunurin siya—mabait kasi siya.”
“Oo, Mary—tama ka, mabait nga si Rashid.”
“Alam ko, napatawad mo na ang kapatid ko, Lira.”
“Noon pa, Mary—matagal ko nang napatawad si Rashid.”
(Itutuloy)
- Latest
