Alupihan (22)

“Nag-Iisa ka na pala sa buhay Kuya,” sabi ni Gretchen. “Pero hindi ka halatang biyudo. Akala ko, binata ka. Bata kang tingnan.’’

“Baka batang-isip…’’

“Hindi Kuya. Akala ko talaga binata ka. Ilang taon ka na Kuya?’’

“Fifty.’’

“Para kang 45 lang, Kuya.’’

“Thanks.’’

“Kailan ka nabiyudo Kuya?’’

“Five years ago.’’

“Puwedeng malaman kung ano ang ikinamatay ni Misis?’’

“Kanser.’’

Napatangu-tango si Gretchen.

“May anak kayo?’’
“Wala.’’

Napatangu-tango uli si Gretchen.

At saka nagsalita uli na nagtataka.

“Akala ko talaga, binata ka, Kuya.’’

Napangiti si Cris.

“Dalawa na kayong nagtaka nang malamang biyudo na ako.’’

“Sino yung isa, Kuya?’’

“Si Hannah, yung nasa Room No. 2.”

“O kita mo na Kuya, hindi lang ako ang nagtaka na biyudo ka.’’

“Bakit kaya hindi ako mukhang biyudo?’’

“Kasi’y mukha kang mabait Kuya. Parang hindi pilyo sa tsik, he-he-he!’’

Napangiti lang si Cris.

Maya-maya, tapos na ang ginagawang door knob.

“O eto tapos na ang door knob. Maisasara mo na ito nang maayos.’’

“Salamat Kuya. Ang ga-ling mo.’’

“Salamat din.’’

“Hindi ka ba talaga pilyo sa tsik Kuya?’’

Napangiti si Cris.

“Hindi naman. Bakit?’’

“Wala.’’

(Itutuloy)