"BAGO pa kita naging siyota, kasulatan ko na si Melvin Underwood…" sabi kong nagpapaliwanag kay Jomar.
"Bakit ngayon mo lang sinabi?"
"Biru-biro lang naman sa simula. Akala ko, hindi na ako sasagutin ni Melvin."
Napailing-iling si Jomar.
"Nagsisisi ka?"
Hindi sumagot.
"Hindi naman tayo kasal, Jomar at kung gusto mo akong iwan, okey lang."
"Ngayon pa?"
"Anong ngayon pa?"
"Buntis ka."
"E ano?"
Lumabas si Nanay mula sa kusina. Nakatingin sa amin. Sambakol ang mukha. Pumasok sa kanyang kuwarto. Ang pinakapinto ng kanyang kuwarto ay kurtina. Narinig namin ang pagbagsak ng kanyang likod sa kama. Lumangitngit iyon.
"Sinasabi ko ito nang maaga Jomar para pagdating ng panahon e hindi mo ako sisihin."
Napailing-iling si Jomar.
(Itutuloy)