Anyare?!
Akala ko error ang nakita ko sa TV last Sunday.
May PBA game between Meralco at Magnolia sa Philsports sa Pasig at nagulat ako sa final score: 74-51.
Nanlaki ang mga mata ko na 51 lang ang Magnolia.
Sabi ko sa katabi ko, parang Inter-Tsinelas game sa barangay. Oo, may PBA record na lowest output ang Shell na 47 points noong 2000.
Pero 2024 na po. Kahit sabihin mo pa na absent sila Jio Jalalon at Calvin Abueva sa game, unacceptable.
Sobra sama ng shooting. Top scorer si Ian Sangalang with eight points. Then puro six points sila James Laput, Aris Dionisio at Paul Lee.
Nasilip ko tuloy na 14 points ang Magnolia sa first quarter, seven LANG sa second, 13 sa third at buti na lang at kumamada sa fourth with 17.
Kung hindi, PBA record. Mantakin mo, 21 points lang sila sa first half. Daig pa ng ibang high school teams.
Ewan ko kung ano ang nangyari before the game na ganun ang ipinakita ng Magnolia.
Dehins nagpa-interview si coach Chito Victolero after the game. Naglaho daw na parang bula.
For the record, minsan umiskor si Allan Caidic ng 53 points in one half at 79 in one game para sa Presto noong 1991. Last week, umiskor ang San Miguel ng 51 points sa third quarter kontra Converge.
Eto buong Magnolia, buong game: 51 points.
- Latest
