CEBU, Philippines — Nahutdan og pailob ang mga kadagkoan sa Phoenix Fuel Masters ngadto ni coach Ariel Vanguardia ug giilisan siya sa iyang posisyon.
Gikompirmar sa Phoenix kagahapon nga ilang kuhaon isip bag-ong head coach si kanhi Alaska Aces assistant coach Louie Alas.
Si Alas, ang assistant coach sa Aces sukad niadtong tuig 2012, gitakdang mopirma og tulo ka tuig nga kontrata uban sa expansion team nga Phoenix.
Isip usa sa mga bag-ong koponan sa liga, ang Phoenix miporma og disente nga team, apan pakyas sila pagsulod sa playoffs sa Governors’ Cup tungod sa ilang 2-9 win-loss record. Si Alas modala sa koponan nga bidahan nila ni Matthew Wright, JC Intal, RJ Jazul ug Jeff Chan. (BANAT NEWS)