_freeman
^

Opinion

Padak-anay sa braso sa pandemiya

ARANGKADA - Leo Lastimosa - The Freeman

Human sa pamostura sa ubang mga politiko, nga nipalabi sa naandang salida kay sa siyensiya, si Mayor Tito Calderon sa Samboan sa habagatang Sugbo maoy sakto. Iyang napamatud-an nga may sukaranan ang pagpahamtang og lockdown tungod sa pagsulbong sa mga kaso sa COVID-19 sa iyang kabarangayan.

Human siya pahinumdomi sa Kapitolyo sa Sugbo nga di kapatuman og lockdown kon way pagtugot sa gobernador, gilugwayan niyang lockdown hangtod karong adlawa, Agosto 1. Dihang gilibkas sa gobernador ang lockdown, nabantang na sa tanang hingtungdan nga di mabadlong ang pandemya pinaagi sa paukyab.

***

Tingali tungod kay si Mayor Calderon usa sa labing maayong doktor sa Sugbo, maong mas nagtuon sa mga timaan sa paspas nga pagkatap sa Delta variant sa ubang kanasuran, nag-una ang iyang lockdown og usa ka semana sa pahibawo sa Philippine Genome Center nga duha sa 32 ka kaso sa Delta variant sa Sugbo gikan sa Samboan.

Way dag-anan ang siyensiya ni Calderon sa politikanhong paugat. Pero nipabor niyang mas dakong paugat: Naghiusang mga mayor sa Metro Manila pagpangayo og duha ka semana nga lockdown maong namilok ang Malakanyang.

***

Maong ang ubang mga politiko sa Sugbo, nga mas interesado sa ilang mga ambisyon kay sa pagdangop sa napamatud-ang mas epektibong mga panagang sa tinakdanay, napugos pagtun pagbalik sa basura nga ilang gibugwak.

Niadtong Biyernes sa buntag, bisan gikan sa Sugbo ang 93% sa tanang bag-ong kaso sa Central Visayas ug kinadaghanan sa mga kaso sa Kabisay-an ug Mindanao, taliwa sa lokal nga tinakdanay sa Delta, mga politiko sa Sugbo nideklarar sa panaghiusa pagbatok sa lockdown. Pero human gipatuman sa Malakanyang ang lockdown nga kadaghan na ibasura, nagdungan og bahag ang ilang ikog.

***

Pero way usa nila nga mohatag og kredito ni Mayor Calderon. Ni sa siyensiya. Saligi ang nanggungis nang mga politiko nga makapangita og lusot sa ilang pakauwaw.

Manghinaot hinuon ta nga makaamgo na sila nga ang kadaot sa lockdown karon makalikay sa mas dakong kadaot kon mapareha ta simbako sa India ug Indonesia. Kay kon padayong moabiba sa mga nagtungkawo sa Malakanyang, nga nagtuong ang pagpanalipod sa kahimsog ug panginabuhi sa katawhan gikan sa COVID-19 padak-anay og braso, manguros na lang tang daan.

COVID-19
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with