Dental, medical mission ng INC: Klase sa MM suspendido
CEBU, Philippines - Suspendido ang klase ngayon sa 13 lugar sa Metro Manila kasabay ng isasagawang dental at medical mission ng Iglesia Ni Cristo (INC) sa iba’t ibang panig ng Maynila na tinawag nilang “Evangelical Mission International Aid to Humanityâ€. Bahagi pa rin ito ng “Pre-Centennial Celebration†ng kanilang pagkakatatag sa darating na Hulyo 2014.
Kabilang sa walang pasok ang private at public school sa Manila (all levels); Quezon City
; Caloocan; Pasig; Pasay; Makati
; Mandaluyong; Taguig
; Parañaque; Pateros
; San Juan
; Muntinlupa
 at Valenzuela habang may pasok naman sa Marikina; Las Pinas, Malabon at Navotas
Pinaiiwas naman ni Metropolitan Manila Development Authority (MMDA) ang mga motorista at maging ang mga mananakay na dumaan sa mga kalsada sa lungsod ng Maynila dahil sa inaasahang matinding pagsisikip ng daloy ng trapiko.
Sinabi ni MMDA Chairman Francis Tolentino na inaasahan na higit sa 5,000 bus ang dadagsa sa Maynila habang inaasahan naman ng pamahalaang lungsod ng Maynila na nasa 1.6 milyong miyembro ng INC ang dadagsa.
Nasa 46 kalsada at interseksyon sa Maynila ang inaasahang maaapektuhan ng naturang programa. Inaasahang pinakamaaapektuhan ay ang Nagtahan, Plaza del Carmen, Lawton, Plaza Avelino, Recto, at Osmeña Highway.
Nakiusap ang MMDA sa mga motorista at commuters na sa ibang ruta na lamang dumaan pansamantala ngayong Lunes upang hindi mabalahaw sa matinding trapiko.
Hiniling rin ng MMDA sa Department of Transportation and Communications (DOTC) na palawigin ang operasyon ng LRT Line 1 (Roosevelt-Baclaran) at Line 2 (Santolan-Recto) na kapwa dumaraan sa lungsod ng Maynila para sa mga maaapektuhang pasahero. Pumayag naman umano ang DOTC.
- Latest
