3x3 teams silat sa ginto

PHNOM PENH, Cambodia — Muling nakuntento ang Philippine men’s 3x3 wheelchair basketball team sa silver medal matapos ang 7-15 pagyukod sa Thailand sa finals sa 12th ASEAN Para Games kahapon dito sa Morodok Techo National Stadium Elephant Hall 2.

Natalo ang mga Filipino Warriors sa Thailand, 6-18, ngunit bumawi sa Indonesia, 11-5, Cambodia, 14-5, at Malaysia, 8-7, sa elimination round para makaharap ang Thailand sa gold medal round.

Pilak na medalya rin ang nakuha ng men’s team noong nakaraang taon.

Nakuntento sa tanso ang Malaysia makaraang talunin ang Cambodia, 17-8.

Minalas naman sa bronze ang mga Lady Warriors nang makalasap ng 5-8 kabiguan sa Laos sa labanan sa third place.

Muling nagreyna ang Cambodia mula sa 11-9 pagtakas sa Thailand.

Sa chess, binanderahan ni Sander Severino, ang quadruple gold medalist noong 2022 sa Surakarta, Indonesia, ang kampanya ng koponan sa rapid event ng men’s PI division katuwang sina Jasper Rom, Darry Bernardo at Menandro Redor.

Idaraos ang final four rounds ng rapid event nga-yong araw habang isusulong ang standard event bukas hanggang Miyerkules at ang blitz sa Huwebes.