Ken nagparamdam sa socmed

CEBU, Philippines — Niaktibo og balik sa social media ilabi ang aktor nga si Ken Chan human sa taod-taod nga pagpakahilom sa showbiz .

Kahinumdoman nga kalit nga nawala sa showbiz ang  aktor ug giingong nilarga kini sa laing nasud human nakasinati og pinansyal nga problema.

Nag-atubang og kasong estafa si Ken  ug naisyuhan gyud kini og warrant of arrest apan wala kini sa iyang gipuy-an sa dihang giadto kini sa awtoridad. 

Kara mibilib kang Vice

Gipabuhagay  sa Kapuso broadcast journalist nga si Kara David ang iyang dakong pagdayeg kang Vice Ganda human niya kini makita ug madungog nga namulong sa mga nigradwar  sa University of the Philippines College of Media and Communication sa niaging adlaw . Suma pa ni Kara, na-starstruck siya sa unang higayon nga nakita niya si Vice sa personal, apan mas nadugangan pa ang iyang pagdayeg human nakadungog sa inspirational speech niini.“Na-starstruck ako nung makita ko siya. Napahanga ako nung marinig ko siya,” suma pa  ni Kara.

Francine miduaw sa mga tinun-an

Misalmot   ang Kapamilya actress nga si Francine Diaz sa support program alang sa mga estudyante sa San Jose National High School sa Tacloban City, duha ka semana ang nilabay human sa nahitabong   pagpamusil nga  miresulta  kamatayon sa tulo ka mga estudyante.Sa  usa ka  makahuluganon nga kalihokan nga gipasiugdahan sa lokal nga kagamhanan sa maong dapit , nibisita ang aktres ug nidalit og espesyal nga pasundayag isip kabahin sa healing process sa mga tinun-an .

LJ balik-Pilipinas

Mibalik na sa Pilipinas ang aktres  nga si LJ Moreno uban sa iyang bana nga si Jimmy Alapag ug ilang upat ka anak human sa unom ka tuig nga pagpuyo sa Amerika.Sa iyang pakighinabi  sa Fast Talk with Boy Abunda, giingon ni LJ nga dili sayon ang pagpuyo sa laing nasud ug gimingaw na siya og maayo  sa kalibutan sa showbiz.