Lisod katrabaho?

CEBU, Philippines — Sa programang  “Your Honor”, gitubag  ni Alessandra de Rossi ang taod-taod na nga chika nga matud pa lisod siya katrabaho.  Suma pa aktres nga estilo na gyud niya nga mangayo og backstory sa iyang karakter sa dili pa niya dawaton ang usa ka proyekto . Mobalibad usab siya og  proyekto kun dunay ipabuhat nga dili niya makaya.

Iwa ug Pampi, engaged na!

Nagmaya si  Iwa Moto gumikan kay   engaged na siya ngadto sa iyang longtime partnernga si  Pampi Lacson .Dul-an sa 14 ka tuig ang ilang panaghigugmaay .Sa iyang  Instagram account, nag-post ang aktres og video clip sa bag-ohay lang nga pagbakasyon nila  sa Japan ."Mahal, you are my always and forever. Thank you for making me happy. I can’t wait to be your wife, mahal," caption pa niya sa maong post .

Misuporta kang Barbie

Nakadawat og mainitong suporta si Barbie Forteza gikan nila Dingdong Dantes ug Alden Richards sa premiere night  sa pelikula niya nga “Until She Remembers."Nitambong pud ang  Sparkle GMA Artist Center First Vice President nga si Joy Marcelo.

Shawie magtukod og kaugalingong kompanya

Nangandam na ang beteranang singer-actress nga si  Sharon Cuneta sa paglusad sa iyang kaugalingong kompanya nga mao usab ang  modumala sa iyang karera  .

“I’m so pleased to announce that I will finally be putting up a new company (will announce name soon) that will manage my career, schedules, and projects,” matud pa sa aktres.

Kauban niya sa maong inisyatiba ang iyang dugay nang mga higala  nga sila Eloisa Matias ug Maricar Ong.

“Fresh”, bag-ong single sa BGYO

Gipakita sa mga miyembro sa Filipino boy group nga BGYO nga sila Gelo, Akira, JL, Mikki, ug Nate ang ilang cool ug refreshing vibe sa ilang bag-ong single nga "Fresh", nga gi-release  isip  pagsaulog sa ikalima nila nga tuig sa music industry .

Makita  na ang music video sa maong awit  pinaagi sa BGYO Official YouTube channel, diin mas makita ang bag-ong estilo ug enerhiya sa grupo.

Gisulat kini ni  Mikki ug nagtuyok sa tema sa pagkumpiyansa sa kaugalingon .

Nalakip usab ang BGYO sa mga  ni-perform  sa “DUNK Showcase” nga gipahigayon sa K-Arena Yokohama sa Yokohama, Japan, kauban ang ubang OPM artists nga SB19 ug Cup of Joe.

Nagsagunson  ang mga proyekto sa BGYO niadtong 2025, sugod sa ilang self-titled EP nga naglangkob sa mga single nga Trash ug Divine, nga nakaabot na og dul-an sa 7 milyon ka streams sa Spotify.

Gisundan kini sa ilang bag-ong EP nga Headlines, nga adunay mga awit  nga All These Ladies, Dance With Me, Aloe Vera, ug ang title track nga “Headlines.” Una kining gi-perform  sa “Music Countdown” sa Thailand ug nipasiklab usab sila sa Summer Sonic 2025 nga gihimo sa Bangkok.

Nagmalampuson usab ang BGYO sa ilang una nga  solo concert nga gipahigayon sa New Frontier Theater niadtong Oktubre.

Sa pagkakaron, madungog na ang “Fresh” sa nagkalain-laing digital streaming platforms.

Coco dunay bag-ong serye Batang Quiapo manamilit  sunod bulan

Manamilit na sa viewers ang action series sa   ABS-CBN nga FPJ’s Batang Quiapo

Suma pa sa direktor ug bida sa maong serye nga si Coco Martin nga kutob na lang kini karong Marso 13.

Unang gi-ere  ang “Batang Quiapo” niadtong 2023 ug namintinar niini ang  taas nga ratings matag gabii.

Ubay-ubay na ka mga artista ang nilugwa sa maong serye ug nagpasalamat sila kang Coco nga gihatagan gyud sila og trabaho.

 Todo pasalamat usab  ang aktor sa tanang nisuporta sa maong teleserye.

“Salamat po sa tatlong taong pagsuporta at pagmamahal ninyo sa ‘Batang Quiapo.’ Nagiging emotional ako kasi hirap na hirap talaga kami. Sobrang hirap talaga ng paggawa ng ‘Batang Quiapo.’ Hindi lang ang pagbuo, kundi ‘yung pag-arte. All aspects of the crew, directors, at production,”saysay pa ni Coco sa interview niini sa TV Patrol .

Adunay bag-ong teleserye si Coco nga nag-ulohan og "Sigabo" kun diin makauban niya ang iyang hinigugma nga si Julia Montes .

“Naghihintay ako ng right project para sa pagsasama namin ni Julia. Si Juls ngayon, pukpukan ang training. Nag-aaral siya ngayon ng sa baril, ng fight, sa motor. Inakma namin ‘yung kwento na talagang fit para sa amin, sa estado namin ngayon. First time namin magla-light. Pasasayahin naman natin ‘yung mga tahanan gabi-gabi,” nagkanayon ang aktor.