Shim pasok sa “Hook Up: The Musical”
CEBU Philippines — Usa sa mga bida sa umaabot nga dula sa entablado nga “Hook Up: The Musical” mao si Shim Dagatan, nga modala sa papel ni Tim, mas nailhan isip TimidTim, usa ka karakter nga nangita og hinigugma pinaagi sa usa ka dating app.
Ang maong dula kay sinulat ug ubos sa direksyon ni Jude Gitamondoc ug naghisgot kini sa mga kasinatian sa tawo sa modernong panahon sa pagkab-ot og relasyon. Mahitabo kini karong Nobyembre 29 ug 30, 2025 / 4PM ug 8PM, sa Oakridge Horizons.
Sa interview ni Shim sa Banat News Hugyaw kagahapon , gibutyag niini nga subsob na ang gibuhat nila nga pagpangandam Sa kakarakter niya isip Tim , nakaila niya ang usa ka tawo nga dunay HIV. Ang dula kay nagpukaw og daghang pagbati ug huna-huna, ilabi na sa mga isyu nga kasagaran likayan sa katilingban.
Gipatigbabaw sa “Hook Up: The Musical” ang makiangayon nga konsepto sa gugma , pagdawat ug paglaum .
Nagkanayon si Shim nga dili lang kutob sa kalingawan ang maong dula , apan usa kini ka makapukaw nga pasumbingay sa kahimtang sa daghang kabatan-onan ug LGBTQIA+ community karong panahona
- Latest
