"Happiness" sugdan ugma sa gabii

CEBU, Philippines —  Magtuki  sa kagubot nga nag-ugat sa usa ka  zombie virus  ang apocalyptic-thriller series nga makita sugod ugma sa gabii sa  Kapamilya Channel, A2Z, TV5, ug  iWantTFC.

Ang maong serye kay nag-ulohan og “Happiness" nga gibidahan nila ni Han Hyo-Joo ug Park Hyung-Sik.

Nailhan si  Han Hyo-joo   kaniadto sa hit series nga “W," , samtang si  Park Hyung-sik kay nilugwa  kaniadto sa  hit K-Drama series nga “The Heirs” ug  “Hwarang."  Base sa istorya niini ,napakyas ang pagsuway sa usa ka tambal  nga niresulta  ngadto sa pandemya .   Ang maigo sa virus  kay mahisama sa kahimtang sa  zombie.

I-ere na ang maong   South Korean zombie-thriller series nga “Happiness” sugod  ugma , Lunes (Abril 21) 10:15PM sa Kapamilya Channel, A2Z, TV5, ug  iWantTFC.