Mother Lily tumatak sa Chinese New Year!

Grabe nagising ako sa rami nang text na binabati ako ng Happy Birthday kahapon ng umaga, February 6.

May 20 ang birthday ko kaya nagtataka ako kung sino ang nagbiro na kahapon ang birthday ko.

‘Yun pala, nasa Viber ko. Naka-announce raw dun na birthday ko kahapon at may pa-happy birthday.

Bwhahaha. Kaloka.

Sayang dahil kung kahapon, imagine dialysis day ko na birthday ko pa.

Kainis ‘di ba! Pero salamat din sa mga bumati kahit na sobrang advance pa.

Habang sinusulat ko ito ay wala pa namang dumarating na food sa bahay.

Hahahaha. Waiting naman ako kasi nga bumati sila noh.

Enjoy ko at iclaim ko na birthday ko kahit hindi.

Kaloka talaga ang buhay ko, pati birthday ko magulo. Talagang sign na kahit anong gawin ko, talagang may kaguluhan ang takbo ng buhay ko. Hah hah, tanggap ko na, at ok lang.

Hay hintayin ko rin ang mga magpapadala ng tikoy ngayon dahil Chinese New Year na sa Friday.

At mas bongga kung maraming magpapadala ng tikoy na tiyak na may katapat na swerte.

Pero sa totoo lang ang naalala ko tuwing sasapit ang Chinese New Year ay si Mother Lily Monteverde.

Noon talaga laging may pa-ampao si Mother Lily sa mga kaibigan niya sa press at talagang malaking event ito sa Regal tuwing sasapit ang ganitong panahon.

I miss you Mother Lily, Happy Chinese New Year everyone.