Nagpungasi ang popularidad
CEBU, Philippines — Gipahinungod nila ni Donny Pangilinan ug Belle Mariano ngadto sa ABS-CBN ang kalamposan sa ilang tandem.
Mapasalamaton ang duha sa maong network gumikan sa dakong pagsalig niini ngadto sa ilang katakos.
Giisip na karon ang DonBelle nga sunod nga "big love team" sa ABS-CBN.
Kahinumdoman nga gihangop sa publiko ang series nila nga "He’s Into Her" nga nakaangkon og second season gumikan sa ilang kasikat.
"Return to Paradise" sugdan karon
Mosikad na karong adlawa ang bag-ong programa sa GMA Afternoon Prime nga "Return to Paradise" nga gibidahan nila ni Derrick Monasterio ug Elle Villanueva.
Gikalipay og maayo sa duha nga gihatagan sila og major projectsa ilang mother network.
Nalakip usab niini ang award-winning actress nga si Eula Valdes kinsa nibalik na sa GMA.
"Grateful ako na nakabalik ako ng GMA. Masayang katrabaho pati ang mga crew. Kapag nagte-taping, pantay-pantay kaming lahat. Naniniwala rin ako na walang maliit at paulit-ulit na role kaya nacha-challenge pa rin ako na gawin siyang kakaiba this time," matud pa ni Eula.
Molugwa usab sa maong teleserye sila si Teresa Loyzaga, Ricardo Cepeda, Karel Marquez, Kiray Celis, Paolo Paraiso, Mia Pangya-rihan, ug Allen Dizon.
Nag-kanayon ang direktor niini nga si Don Michael Perez nga nakasugat gyud sila og mga pagsulay atol sa taping apan wala ra siya maglisod gumikan sa ka maayo sa mga bida niini.
Ang "Return to Paradise kay makita gikan sa Lunes hangtod sa Biyernes, alas 3:25 sa hapon.
Nagmadaogon sa FAMAS
Si Charo Santos-Concio maoy nga best actress sa bag-ohay lang nga 70th Filipino Academy of Movie Arts and Sciences Awards (FAMAS) gumikan sa hugyaw niya nga performance sa pelikulang ‘Kun Maupay Man It Panahon’.
Naghisgot kini sa paet nga kaagi sa mga tawo human giigo ang nasud sa Bagyong Yolanda niadtong 2013.
Gawas sa kadaogan ni Charo, nalangkat pud ang maong pelikula mao ang Best Production Design award.
Kahinumdoman nga nakadawat usab kini og pasidungog sa Locarno Film Festival sa Switzerland sa miaging tuig .
Nagmadaogon usab sa FAMAS ang 'Katips' kun diin ang nagpaluyo niini nga si Vince Tañada maoy napili nga Best Actor ug Best Director.
"Bahala Na" ni Kenaniah
Gipalanog na sa singer-songwriter, producer, ug multi-instrumentalist nga si Kenaniah ang iyang latest single nga 'Bahala Na,' nga ubos sa O/C Records,
Ang maong awit kay naghisgot sa kapalaran sa tawo kun maghisgot og gugma.
Tipik sa mensahe sa awit nga dili dayon mahulog sa tawo kun dili ka suweto niini. “This song was also inspired by some of my favorite music that I used to listen to when
I was in high school and some of my favorite 90s storytelling songs,” dugang pa niya. Ang "Bahala Na" kay madungog sa pipila ka digital music platforms nga sama sa Spotify, Apple Music, ug YouTube.
Billy mobalik sa GMA-7
Mobalik na sa GMA-7 ang actor-TV host nga si Billy Crawford pinaagi sa game show nga The Wall Philippines nga mosikad sulod karong buwana.
Ang maong programa kay base sa game show sa America nga The Wall, kung diin motubag sa multiple choice questions ang mga partisipante aron makaangkon og salapi.
Kahinumdoman nga nahimong kabahin si Billy sa That's Entertainment ni Kuya Germs niadtong 90s.
- Latest